Ruffa, nagkaka-wringkles na

Itinanggi ni Ruffa Gutierrez ang isyung meron siyang ardent suitor ngayon na isang rich and powerful guy na may mataas na posisyon sa isang multi-national company rito sa ‘Pinas.

"Well, lagi naman silang rich and powerful, ‘di ba? I mean, I don’t entertain naman people who don’t have the same lifestyle as me," bulalas ni Ruffa.

"But I’m not entertaining anyone

yet at this point. Yes, maraming nagsasabing, ‘Hoy, may gusto sa ‘yo si ganyan!’ Hellooo!!!

"Announcement ko pa nga lang, the day na lumabas kay Ricky Lo, nag-pictorial kami for Tattler magazine, may nagsabi sa aking, ‘Nako, excited na si ano, ilalabas ka!’

"Sabi ko, ‘Hoy, pwede ba akong mag-grieve nang six months muna? Napaka-excited naman niyang tao na ‘yan!’ So, wala akong super-ardent suitor. Walang suitors talaga!

"I mean, yes, thru friends, may mga, ‘Hoy, sabihin mo naman kay Ruffa, crush ko siya!’ Ganu’n lang! But I’ve never really gone out with anyone because #1, talagang walang time.

"My God! With my schedule, nagkaka-wrinkles na ako sa ‘kakapuyat, ‘no!

"Hindi pa ako tumatanggap ng suitors. I mean, definitely there are some people na talagang interesado. Others are super-corny, others are super… ‘Ay, cutie siya!’

"But I mean, I’m not really entertaining that now, kasi hindi pa nga tapos ‘yung sitwasyon ko kay Yilmaz (Bektas, Turkish ex-husband niya). So, how can I jump into another relationship?

"As of now, siyempre, I go out with my friends din naman. May grupu-grupo. May nagkakagusto naman sa akin. Siyempre, maganda naman ang lolah n’yo, ‘no! Ha! Ha! Ha!" tawa niya.

***

Kahapon ay 4th birthday ng panganay nila ni Yilmaz na si Lorin.

Humiling ang bagets na gusto nito ng grand piano at gusto nitong makita at makasama ang kanyang ‘Bubba’ (tatay na si Yimaz) dito sa ‘Pinas.

Kapag mga ganu’ng moment daw ay naluluha si Ruffa. ‘Pag nakita siya ni Lorin na may luha ay hirap daw siyang ipaliwanag sa bagets kung bakit umiiyak siya.

"Alam mo, nasa stage na si Lorin na nagtatanung-tanong. So, puro ‘Why, mommy?’ ‘Pag nakikita ko ‘yung mga anak ko, syempre medyo emotional pa rin ako. But I think work is the best therapy," aniya.

So, anong sinasabi niya kina Lorin at Venice sa tuwing hinahanap ng mga ito ang kanilang Bubba?

"Wala, I’ll call Yilmaz and then I’ll give the phone to them. So, sila ang nag-uusap. Nag-uusap naman kami ni Yilmaz, eh! Open pa rin ang communication namin," sambit pa ni Ruffa, na aligaga ngayon sa pag-iimbita ng mga celebrity at fashion designers para sa fundraising celebrity bazaar/fashion show na RRRampa for a Cause sa Rockwell Tent sa Setyembre 16.
Abante-Tonite