Bianca, apektado pa rin ni KC Concepcion

Mang-iintriga na ang may wholesome image na TV host na si Bianca Gonzales sa bago nilang talk/variety show na En­tertainment Live na nga­yong hapon ang pilot airing after ng Wowo­wee.

Hindi naiwasang ta­nungin si Bianca kung willing ba siyang interbyu­hin sina direk Lino Caye­tano at ang babaing ipi­nalit sa kanya, si KC Con­cepcion.

“Kapag inutos sa akin, why not, trabaho ‘yun, pero siguro

I’ll be emo­tional siguro,” ito ang nasambit ng ex-girlfriend ni Direk Lino.

Si KC ang pinatu­tung­kulan ni Bianca na baka maging emotional siya dahil nga for the very first time at kung papa­yag ang anak ni Sharon Cu­neta na magpa-inter­view siya sa telebisyon at kay Bianca.

Hindi naman apek­tado si Bianca kung si Direk Lino ang iinter­byuhin niya dahil okey na sila at friends din daw.

Napabilib naman kami ni Bianca at that time dahil hindi niya iti­nago ang damdamin niya sa press if ever na ipa­gawa nga sa kanya ang one-on-one inter­view with KC.

Ang tanong, ganun kaya ka-sadista ang staff ng Entertainment Live para itoka kay Bianca ang pag-iinterbyu kay KC Concepcion for the sake of ratings?

Samantala, kung hindi magbabago ang plano ay may phone patch si Toni Gonzaga kay Angel Locsin all the way from London para sa update ng kanyang last week sa pag-aaral ng fashion designing at nakatakdang umuwi sa 2nd week of August.
REGGEE BONOAN
Pilipino Star Ngayon