Maja Salvador is Richard Gutierrez's next leading lady

Malamang na si Maja Salvador na ang ipareha kay Richard Gutierrez sa next Kapuso star with Regal Entertainment.

Sa press con ng My Kuya's Wedding, ang launching movie ni Maja for Regal, nasabi ni Mother Lily Monteverde na balak niyang papirmahin ng eight-picture contract si Maja

dahil na-impress siya sa ganda at galing umarte ng Kapamilya talent.

Si Mother Lily na rin ang nagsabing puwede siyang itambal kay Richard.

Naikuwento rin ni Noel Ferrer, manager ni Ryan Agoncillo na lalabas na kuya ni Maja sa pelikulang idibirehe ni Topel Lee, na puwede ring mag-promote si Maja sa GMA-7 for this movie dahil
may nag-research na walang network contract ang dalaga.

Napag-alaman din daw ito ni Annabelle Rama, ina ni Richard, na wala yatang movie contract din si Maja for Star Cinema kung kaya't bukod sa puwede ngang papirmahin ng Regal si Maja ng exclusive contract, puwede rin siyang itambal kay Richard na exclusive din ng Regal as far as movies are concerned.

Itinanong ito kay Maja sa presidential table kung okay lang ba siyang makatambal ni Richard. Maganda ang ngiti ni Maja na sinagot ito ng "puwedeng-puwede."
Dinno Erece
Philippine Entertainment Portal