Piolo at Angel, atras kina Juday at Richard

ISA sa mga itinanong kay Piolo Pascual sa launching ng Timeless album sa Star Records ay kung totoong magkakasabay ang showing ng Star Cinema movie nila ni Angel Locsin at ang GMA Films movie naman nina Richard Gutierrez at Judy Ann Santos?

Pareho raw Valentine’s Day presentation ang pelikula ng dalawang pareha, pero walang maisagot si Piolo.

Isang taga-Star Cinema ang nagsabing walang tapatang mangyayari at ’di nag-elaborate, like sa ibang playdate ba ilalagay ang Angel-Piolo movie?

Pati ang hinihintay na tapatan ng shows nina Angel at Richard, hindi pa siguradong mangyayari.

Next week pa lang magti-taping ang actress at si Piolo, samantalang may scheduled airing na ang action-fantasy ni Richard sa October. That’s unless ihabol ng ABS-CBN ang mystery drama ng bago nilang loveteam.

Samantala, may dagdag na balita si Piolo sa mga gagawin niyang projects. Tuloy na ang shooting ng international movie niyang Wrinkles.

Ang alam niyang director ay si Joey Reyes, pero si Johnny Manahan ang magdidirek ng scenes sa New York.

May eksena ring kukunan sa Universal Studio backlot.

Mala-My Big Fat Greek Wedding ang movie na tungkol sa beauty contest ng senior citizens.

Magaling mag-English si Piolo at challenge sa kanyang mag-English with a New Yorker accent.

Nitz Miralles
People's Tonight