Wendy Valdez out of “Banal,” in for Star Cinema project

Wendy Valdez out of “Banal,” in for Star Cinema project
Kung natanggal ang dalawang Pinoy Big Brother (PBB) housemates na sina Bruce Quebral at Zanjoe Marudo sa 2007 Metro Manila Film Festival (MMFF) entry na Desperadas, out na rin ang co-housemate at girlfriend ni Bruce na si Wendy Valdez sa isa pang MMFF entry, ang Banal ng ComGuild Production to be directed by Cesar Apolinario.

Maganda sana ang papel ni Wendy sa Banal, na dapat sana ay kay Iza Calzado who had to let go of the project dahil kasama siya sa Desperadas.

“Kinausap ako ng ABS-CBN,” kuwento sa amin ni Ambet Nabus, PEP contributor and also manager of Wendy. “Gusto rin nila sana ang pelikula para kay Wendy, pero they saw a lot of potential sa alaga ko. Ang request nila, kung puwede sana, ang unang project niya, sa Star Cinema.

“Naiintindihan ko naman sila at saka request lang naman. Puwede ko naman tanggihan kung tutuusin, pero nagbigay na rin ako.”

Another ex-PBB housemate ang pumalit kay Wendy, si Cass Ponti.

In related news, overhauled na rin naman pala ang original casting ng Banal. Sa submitted cast list ng ComGuild noon sa MMFF screening committee, it listed Marvin Agustin, Dingdong Dantes, and Iza as the main lead.

Pinalitan na ni Christopher de Leon si Marvin, ni Alfred Vargas si Dingdong, at kasama na rin sa cast sina Paolo Contis at Paolo Paraiso.
Source