GMA-7’s Shaider

Totoo pala ang tsismis na kasama na sa cast ng Shaider si Dennis Trillo, pero kasama pa rin si Marky Cielo.

Ang hindi pa malinaw ay kung ang una na ang bida at second lead na lang ang huli o pareho silang bida.

Ang tsika pa’y may pagbabago sa takbo ng istorya at malalaman natin ito sa mga darating na araw.

Sa July 17 na raw magsisimula ang taping ng Shaider to be directed by Dominic Zapata.

Maglalagare si Dennis sa taping nito at taping ng Kung Mahawi Man Ang Ulap, na papalit sa Sinasamba Kita.

Kung si Dennis na nga ang bida sa Shaider, sino kaya kina Lovi Poe at Kris Bernal ang kanyang makaka-pareha?

O, baka magdagdag ng cast na magiging leading lady ni Dennis. May mga binanggit sa aming kasama pa sa cast, pero ang confirmed pa lang ay sina Raymart Santiago at Jay Manalo.
Nitz Miralles Philippine Journal