Angel, ayaw ipakita sa TV ang madir niya!
Malaman ang statement ni Mama Wilma Galvante tungkol sa nalalapit na paglipat ni Angel Locsin sa ABS-CBN.
Sa statement ng big boss ng GMA 7 na ipinadala kay Papa Ricky Lo ng Philippine Star, sinabi niya na “LOYALTY AND GRATITUDE ARE NOT CO-TERMINUS WITH A CONTRACT. SA PUSO NANGGAGALING YAN.”
Totoong-totoo ang sinabi ni Mama Wilma dahil hindi nga naging totoo sa pakikipag-usap sa kanila si Angel
at ang manager nito na si Becky Aguila.
Uulitin ko, ang GMA 7 ang nagbigay ng malaking break kay Angel kaya unfair na sabihin na nakinabang din ang network sa kanya.
Mas nakinabang si Angel sa GMA 7 dahil nagkaroon siya ng marami at milyun-milyong halaga ng product endorsements.
Kung hindi binigyan ng mga solo show si Angel, hindi siya mapapansin ng mga advertiser.
May dahilan na magtampo ang GMA 7 dahil saksi ako sa sobrang proteksyon na ibinigay nila kay Angel.
Hinarang noon ng Artist Center ang airing ng interview sa madir ni Angel dahil ito ang kanyang request.
Hindi ko alam kung bakit ayaw ni Angel na makita sa TV ng mga tao ang kanyang ina.
Palaging ang bulag na tatay ni Angel ang pinapayagang umapir o mainterbyu sa telebisyon.
Pati tuloy ang tatay ni Angel, nadadamay sa isyu at mga intriga dahil sinasabi ng mga intrigera na si Mr. Angel Colmenares ang pinagsasalita para makuha niya ang simpatiya ng publiko porke bulag nga siya.
Ang tatay ni Angel na hindi naman kasali sa isyu at hindi pinag-aaksayahan ng panahon noong nameless pa si Angel.
Lolit Solis
Pilipino Star Ngayon
No comments:
Post a Comment