Fans club ni Angel, bubuwagin na

Nakatanggap kami ng email mula kay Angelika Yuson, isa sa mga founder ng Angel’s Wings, ang fans club ni Angel Locsin.

Naka-attach sa email ni Angelika ang official statement nila tungkol sa kontrobersya na kinasasangkutan ng kanilang idolo.

Mahaba ang official statement pero hindi nila hinusgahan si Angel at ang desisyon nito na lumipat sa ABS-CBN.

Ayon kay Angelika, 79,323 ang bilang ng nationwide

membership ng Angel’s Wings.

Malungkot na ibinalita ni Angelika na bubuwagin na nila ang nabanggit na fans club dahil deeply affected at disappointed sila sa series of events na nasaksihan nila tungkol sa pag-alis ni Angel sa GMA 7.

To qoute Angelika, "Siguro, hanggang dito na lang kami. Alam namin na kailanman ay di kami makakaapekto sa desisyon ninyo (referring to GMA 7 and advertisers) sa kanya, pero isa lang ang magagawa namin, ang tumigil sa pagsuporta sa kanya.

"Good luck and thanks for the memories. Alam namin kung saang business naroon ka, pero ‘di namin kailanman naisip na mapapasama ka sa business na ‘yon."
Jojo Gabinete
Abante-Tonite