Pinoy Big Brother: Dahil kay Wendy, Bruce pinagmukhang tanga ang dating girlfriend!

SHOWBIZ MISMO! Ni Cristy Fermin

Kung puso lang ang ating paiiralin ay naka­kaawa na si Wendy Val­dez, matitinding kum­prontasyon ng bu­hay na ang kanyang natitikman ngayon, ang salubungin ka ng mala­lakas na boo ng publiko ay naka­panliliit na.

Hindi lang naman minsang nangyari yun, nung Sabado nang gabi sa Araneta Coli­seum, banggit lang ng kanyang pangalan ay isang mitsa na para sumigaw ang mano­nood.

Talagang lantarang pagkontra sa kanya ang ipinakita ng ating mga kababayan, nung ga­bing yun niya inani ang prutas ng pagiging pa­saway niya sa loob ng Pinoy Big Brother house, mali ang ina­kala ni Wendy na ang buhay niya ay nagsi­simula at natatapos lang sa apat na sulok ng Bahay ni Kuya.

Ang akala siguro niya ay hindi siya mag­kakaroon ng pagka­kataong makakaha­lu­bilo ang publikong gusto nang magbitin sa kan­ya nang pati­warik, gigil na gigil sa kanya ang ma­nonood, idagdag pa ang pagka­buwisit sa kanya ng mga taga­suporta ng ibang house­­mates na dapat ay nasa loob pa pero siya ang mas pina­borang ma­iwan dun.

Ang ugali ay ugali talaga, sa mga pana­hon ng gipitan ay mas lu­­mulutang ang ating naturalesa. Nung iluwa na ng entablado ng Araneta Coliseum si Wendy ay malalakas na pambu-boo ang su­malubong sa kanya, kung may butas lang ang entablado, siguro’y mas nanaisin na ni Wendy na lumubog na lang siya dun.

Pero sa halip na ma­­unawaan ng publiko ang bahagya niyang pag­yuko sa panghi­hingi ng dispensa ay hindi pa rin siya naka­lusot, ko­mento ng aming kaibi­gang nan­dun mismo sa Big Dome, “Saan ka na­man makakakita ng taong nanghihingi ng dis­pensa, pero may ka­angasan pa rin?”

Isang bagay na hindi natutunan ni Wen­­dy mula sa pagka­bata hang­gang sa kan­yang paglaki at ang ta­mang pakikipag­ko­mu­ni­kasyon sa kanyang kapwa.

Hindi krimen ang kahirapan, may kapan­tay na karapatan at ka­layaan ding mabu­hay nang may dignidad ang mahirap tulad ng ma­yaman, pero ang breed­­ing ay hindi nabibili.

* * *

Dati’y marami ka­ming kaibigang babae at lalaki na may ma­tinding atraksyon kay Bruce Quebral, nagu­gwapu­han at namama­chu­han sila sa binata, ibinoto pa nga nila si Bruce nung kaila­ngang-kailangan niya ng suporta sa loob ng Bahay ni Kuya.

Pero mula nung ma­dikit na ang panga­lan ni Bruce kay Wen­dy ay ayaw na nila sa binata, nung nagka­kama­buti­han na sila ni Wendy, nalipat na kay Mickey Perz ang in­teres ng aming mga kaibigan.

Parang may ka­ala­tan si Wendy, sinu­mang madikit sa kanya ay inaayawan din ng pub­liko, kaya pati si Bruce ay umaani ng mga ba­tikos ngayon nang dahil sa dalaga.

Pero maganda ang kanilang relasyon, lan­taran nang sinasabi ngayon nina Bruce at Wendy na mahal nila ang isa’t isa, kaya lang ay meron pa raw mu­nang kailangang asika­suhin ang dalaga sa aspetong personal ng kanyang buhay.

Pabayaan na nating bukod sa kanyang pa­milya ay meron na­mang nakakaunawa kay Wendy, karapatan ni Bruce na ipagtang­gol ang dalaga, hindi nga naman natin naka­sama nang mahigit na tatlong buwan si Wen­dy sa loob ng PBB house para husgahan natin ito nang paganun na lang.

Nakilala ni Bruce ang tunay na pagkatao ni Wendy sa loob nang mahabang panahon, siya ang nakakaalam kung bakit nagkaka­ganun si Wendy, me­ron daw pinag-uugatan yun ayon sa binata.

May katwiran na­man si Bruce, ipinag­lalaban niya ngayon si Wendy dahil kilalang-kilala na raw niya ang buong pagkatao nito, ang hindi na lang di­retsong na­sasagot pa ngayon ni Bruce ay kung bakit pinagsabay niya si Wendy at ang ba­ba­eng iniwan ni­ya sa labas nung magde­sisyon siyang pu­masok na sa bahay ni Kuya.

Huwag iba­ling ni Bruce Que­bral ang isyu, bago niya ide­pensa si Wen­­dy ay lina­win niya muna ang ta­nong ng bayan, kung bakit niya gi­­nawang tanga ang kanyang girlfriend ha­bang nag­ka­kama­butihan sila ni Wendy sa PBB house, yun ang tunay na isyu sa kanya.
Source