Text message na nakamamatay!
Sino kaya itong walang magawa sa kanyang buhay ang nagkalat ng nakakaalarmang text message na kesyo patay na umano ang kaisa-isang anak ng mag-asawang Julius Babao at Tintin Bersola na si Antonia?
Dali-dali naming tinawagan ang mag-asawa. Unfortunately, nasa
Europe sila at that time. Dahil hindi namin nakausap sina Tintin at Julius, tinawagan namin si Mario Dumaual ng TV Patrol na agad pinabulaanan ang balita.
Aware rin pala si Mario sa kumakalat na balita na isang buwan na umanong nagsi-circulate.
Naisip kaya ng nagkalat ng mapanirang text message na ito ang emotional damage na kanyang nilikha laluna sa mag-asawang Julius at Tintin at sa kanilang mga kaanak at mga kaibigan? Paano kung may inatake sa puso dahil sa balitang ito?
Biro ninyo, ang isang inosenteng anghel ay ‘pinatay’ at naging biktima ng isang mapanirang text message. Ilang tao na ba ang ‘pinatay’ sa pamamagitan ng text message?
Aster Amoyo
Pilipino Star Ngayon
No comments:
Post a Comment